Pormal nang giturn-over sa National Irrigation Administration (NIA) Region 7 ang siyam ka mga proyekto sa irigasyon atol sa Cebu City ug Cebu Province NIA and Stakeholder Convergence Meeting kagahapon Hunyo 16, 2026.
Gipangulohan ang ceremonial turnover ni NIA-7 Regional Manager Engr. Eusebio S. Villamanto ug NIA Cebu Division Manager Engr. Maritez I. Soria, diin simbolikong gitunol ang yawe isip timaan sa pagkompleto ug paghatag sa mga proyekto ngadto sa mga benepisyaryo.
Sumala ni kanhi Board Member ug karon Consultant on Agriculture and Food Security nga si Gigi Sanchez, ilalom sa liderato ni Gob. Pamela Baricuatro, gitahasan siya sa pagsaksi sa turnover sa mga communal irrigation systems sa Balamban, Pinamungajan, Aloguinsan, Argao, ug Carcar City. Lakip sa mga proyekto ang Matun-og CIS, Manunggal CIS, Lamac Punod Sibago CIS, Hingatmonan CIS, Aloguinsan CIS, Argao CIS, ug tulo ka proyekto sa Can-asujan SRIS nga adunay kinatibuk-ang kantidad nga kapin ₱60 milyon.
Gilauman nga dako kining tabang sa mga mag-uuma aron masiguro ang igo nga suplay sa tubig alang sa ilang mga umahan, modako ang produksyon sa pagkaon, ug molig-on ang sektor sa agrikultura sa lalawigan sa Cebu.\
Nagpasalamat usab si Sanchez sa NIA Region 7 alang sa padayon nga suporta sa mga proyekto nga makapauswag sa panginabuhi sa mga mag-uuma.
I via Renante Socia Lada