Gipahigayon ang site inspection alang sa gitukod nga Dairy Box Facility sa Lungsod sa Liloy isip kabahin sa paningkamot sa lokal nga panggamhanan sa pagpalig-on sa industriya sa dairy ug paghimo og dugang pang panginabuhian alang sa mga mag-uuma.
Mitambong sa inspeksyon ang mga representante sa Lokal nga Panggamhanan sa Liloy, Philippine Carabao Center–Kalawit Center nga gipangulohan ni Dr. Cecelio Velez, ug ubang mga hingtungdan aron susihon ang maong proyekto.
Gilauman nga ang Dairy Box Facility makatabang sa pagpalambo sa produksyon sa gatas ug paghatag og dugang oportunidad sa mga lokal nga mag-uuma pinaagi sa mas lig-on nga suporta sa sektor sa agrikultura.
Padayon ang koordinasyon sa lokal nga panggamhanan ug mga partner agencies aron mapatuman ang mga proyekto nga mosangpot sa lig-on ug malungtarong kalamboan sa agrikultura sa lungsod.(JENIFFER JR. DELICA)
Source: Municipality of Liloy