Gipadali sa Department of Agrarian Reform (DAR) Zamboanga del Norte ang mga ground validation ug land survey operations sa mga lungsod sa Sirawai ug Dapitan City aron mapaspasan ang proseso sa paghatag og luwas ug legal nga land titles ngadto sa mga kwalipikadong agrarian reform beneficiaries.
Ubos sa pagpangulo ni PARPO II Daisy Dell Suan Digamon, ang DAR-ZN nagpadayon sa pagpalig-on sa province-wide survey operations isip kabahin sa land tenure improvement program.
Sa Sirawai, ang DAR Municipal Office ubos ni MARPO Edfer E. Paundog, kauban ang Department of Environment and Natural Resources (DENR), nagpahigayon og joint ground validation activities subay sa Administrative Order No. 2024-09. Ang kalihokan nagtumong sa pag-verify sa land classification ubos sa Support to Parcelization of Lands for Individual Titling (SPLIT) Project aron masiguro ang tukmang klasipikasyon sa yuta ug mapadali ang pag-isyu sa mga land tenure documents.
Samtang sa Dapitan City, ang DAR Municipal Office ubos ni MARPO Lerma B. Ongue mikuyog sa DAR survey teams sa subdivision survey sa yutang gipanag-iya nila Desiderio Malacat Jr., et al. sa Barangay Tamion.
Matud sa DAR-ZN, ang maong mga kalihokan kabahin sa padayon nilang paningkamot aron mapadali ang paghatag og land titles ug mapalig-on ang seguridad sa pagpanag-iya sa yuta sa mga benepisyaryo sa agrarian reform.(IKEN B. GULLEM)
Source: DAR Zamboanga del Norte Province