Gipahigayon sa Dipolog City Fire Station ang fire drill sa Lee Plaza aron masusi ang kahandam sa Organized Emergency Response Team o OERT ug mapalig-on ang fire safety preparedness sa establisemento.
Gipangulohan ni Acting City Fire Marshal FSINSP Aprilyn B. Barbaso ang maong kalihokan, diin giobserbahan ug gi-evaluate sa Chief of Operations ang kahimtang sa koordinasyon ug pagtubag sa OERT panahon sa emerhensiya.
Atol sa drill, gisubay ang pagsunod sa mga fire safety procedures ug ang kahapsay sa paglihok sa emergency response team isip kabahin sa pagpalig-on sa ilang kahandam.
Sumala sa Bureau of Fire Protection, padayon nga gipahigayon ang maong mga pagbansay aron masiguro ang paspas ug organisadong pagresponde ug mapanalipdan ang kinabuhi ug kabtangan panahon sa sunog ug uban pang emerhensiya.(JENIFFER JR. DELICA)
Source: BFP R9 Dipolog City Fire Station