Subay sa programa nga Gulayan sa Paaralan sa Department of Education, gilusad sa Banbanan Elementary School ang Project BERDE aron matubag ang problema sa malnutrisyon sa mga estudyante, human migawas sa nutritional reports gikan 2023-2025 nga adunay pipila ka mga estudyante nga giila nga severely wasted, usa ka seryosong kahimtang nga makaapekto sa ilang pagkat-on.
Kining Project BERDE o Banbanan Environmental Revitalization and Development for Education usa ka inisyatibo nga nagdasig sa aktibong partisipasyon sa mga ginikanan gikan sa nagkadaiyang purok, nga magtinabangay sa paghimo ug pag-atiman sa mga gulayan sulod sa eskwelahan gamit ang mga recyclable nga materyales sama sa daang ligid, bao sa lubi, ug plastik nga botelya.
Sumala sa eskwelahan, ang ani gikan sa proyekto gamiton alang sa School-Based Feeding Program aron masiguro nga adunay sustansyang pagkaon ang mga estudyante matag adlaw.
Gilauman usab nga pinaagi sa Project BERDE, mapalambo dili lamang ang nutrisyon sa mga bata kondili usab ang panaghiusa sa komunidad ug kahibalo sa pag-atiman sa kalikupan.(IKEN B. GULLEM)
Source: DepEd Tayo-Division of Dapitan