Malampusong nauli sa tinuod nga tag-iya ang usa ka nawalang cellphone human kini boluntaryong giturn-over sa usa ka residente ngadto sa kapulisan sa Dapitan City.
Sumala sa report, si John Loyd T. Piang, residente sa Barangay Talisay, mitungha sa opisina sa kapulisan ug nagtugyan og usa ka unit sa Narzo brand nga cellphone, kolor itom/asul, nga adunay itom nga casing.
Human niini, mitungha usab si Ariadne C. Lerasan, residente sa Barangay Banonong, aron i-claim ang maong cellphone. Nakapresentar siya og igong pamatuod nga siya ang tinuod nga tag-iya sa maong butang.
Tungod niini, opisyal nga gitugyan sa kapulisan ang cellphone ngadto sa hustong tag-iya, subay sa tukmang proseso. Kini nga insidente nagpakita sa kahinungdanon sa pagkamatinud-anon ug kooperasyon sa komunidad ug kapulisan aron masiguro ang hustisya ug kaayohan sa tanan.(IKEN B. GULLEM)
Source: Dapitan City Police Station ZNPPO