Gisusi sa Department of Agrarian Reform (DAR) Provincial Office ang mga benepisyaryo sa agrarian reform sa Barangay San Vicente, Sirawai aron personal nga makita ang dagan sa ilang proyekto sa pagproduksyon og itlog.
Gipangulohan kini ni Daisy Dell Suan Digamon kuyog si Alfonso A. Tan ug ang Municipal Agrarian Reform Officer sa Sirawai, Zamboanga del Norte. Gisusi nila kung unsa na kalayo ang nahimo sa chicken ug egg production nga gisuportahan sa Climate-Resilient Farm Productivity Support Project (CRFPSP).
Ubos sa maong programa, nakadawat ang asosasyon og mga manok, materyales para sa balay sa manok, water system, ug ubang kagamitan nga ilang gigamit sa adlaw-adlaw nga operasyon. Aduna sab sila’y teknikal nga pagbansay aron masiguro nga husto ang pag-atiman sa manok ug magpadayon ang produksyon bisan pa sa kalit nga pagbag-o sa panahon.
Nagpasalamat usab ang benipisyaryo, sa suporta sa DAR ilalom sa liderato ni Conrado M. Estrella III, nga padayon sa pagpalig-on sa mga programa alang sa mga mag-uuma.(IKEN B. GULLEM)
Source: DAR ZAMBONORTE