Napuno sa kalipay ug gugma ang Liloy District Jail sa pagsaulog sa Valentineās Day pinaagi sa nagkadaiyang kalihokan alang sa mga Persons Deprived of Liberty (PDLs).
Tumong sa maong kalihokan nga mapalig-on ang panaghigalaay, pagrespeto, ug emosyonal nga kahimtang sa mga PDLs samtang nagpadayon ang ilang rehabilitasyon.
Pinaagi sa usa ka makalingaw nga Singing Contest, gipakita sa pipila ka mga PDL ang ilang talento sa pag-awit nga naghatag og kadasig ug kalipay sa tanang partisipante.
Nagpahigayon usab og feeding program alang sa mga senior citizen PDLs ug Persons with Disabilities (PWDs), isip pagpakita sa pag-atiman ug paghatag bili sa matag usa. Aduna sab mga dula alang sa mga lalaki nga PDLs aron mapalig-on ang panaghiusa ug maayong pakig-uban sa sulod sa pasilidad.
Usa sa pinakatin-aw nga bahin sa selebrasyon mao ang Family Day, diin gitugotan ang mga PDL nga makigkita sa ilang pamilya sumala sa mga lagda sa jail. Nagpahinumdom kini nga ang gugma ug suporta sa pamilya importante kaayo sa proseso sa pagbag-o ug pag-uswag sa kinabuhi.(IKEN B. GULLEM)
Source: Liloy District Jail-BJMP R9