Mipartisipar ang Liloy District Jail sa usa ka joint environmental activity nga gipahigayon sa Little Siargao, Liloy ug Liguac, Salug kaniadtong milabay nga adlawa, ubos sa liderato ni Arvin Dan R. Aguito,
Lakip sa kalihokan ang coastal clean-up, tree planting, ug Scubasurero o pagpanglimpyo sa ilawom sa dagat aron makuha ang mga basura sa baybayon ug kadagatan.
Ang inisyatiba gidumala sa Bureau of Jail Management and Penology Regional Office IX ubos sa liderato ni Amado A. Concepcion Jr., Regional Director. Mitambong usab si Abner C. Zamora, Assistant Regional Director for Operations ug Provincial Jail Administrator sa Zamboanga del Norte; si Samuel A. Nasiad, Acting Warden sa Salug District Jail, ug si Rolly L. Paner, Acting Warden sa Sindangan District Jail, uban sa mga personnel gikan sa BJMPRO-IX, PJAO Zamboanga del Norte, PJAO Zamboanga del Sur, Salug DJ ug Sindangan DJ.
Sumala sa mga opisyal, ang hiniusang kalihokan nagpakita sa ilang lig-on nga pasalig sa pagpanalipod sa kalikupan ug sa pagpalambo sa malungtarong kalamboan alang sa karon ug umaabot nga henerasyon.(IKEN B. GULLEM)
Source: Liloy District Jail-BJMP R9