Aron mapalig-on ang pagpatuman sa gender equality ug women empowerment, mipagula ang Probinsyal nga Pangagamhanan sa Zamboanga del Norte ug bag-ong Executive Order No. 39 nga nagreporma sa Gender and Development (GAD) Focal Point System (GFPS), kaniadtong Oktubre 30, 2025.
Ang mando gisunod sa Joint Memorandum Circular 2013-01 o ang “Guidelines on the Localization of the Magna Carta of Women”, nga naglatid sa mas aktibong partisipasyon sa mga LGU sa pagpalambo sa GAD initiatives ug sa pagresolba sa mga gender-related nga isyu.
Gilangkoban ang GFPS Executive Committee ni Gov. Darel Dexter Uy isip Chairperson, SP Member Kay Marie Bolando isip Vice Chairperson, ug Acting Provincial Administrator Charmie Yu isip Alternate Chairperson, uban nila SP Member Peter Co, Board Member Hadiya Caril, ug mga Department Heads sa kapitolyo.
Ang Executive Order No. 39, nga gipirmahan ni Gov. Uy niadtong Hulyo 24, 2025, nagpakita sa padayon nga paningkamot sa probinsya sa pagpatuman sa gender-responsive governance ug inclusive development sa tanang sektor.(IKEN GULLEM)
Source: Zamboanga del Norte Provincial News Network