Nagkahiusa ang mga empleyado sa City Government of Dipolog human kini nagsul-ob ug mga pula nga t-shirt isip pagsuporta sa pagsaulog sa National Day of Charity duyog sa temang “Charity in Action – Building a Caring Nation” nga nagpunting sa pagpalig-on sa kultura sa pagtabang ug pag-amuma sa isigkatawo, nga gipahigayon Kagahapong adlawa Oktubre 30, 2025, sa Dipolog City Hall.
Gituyo sa maong kalihukan nga mapalambo ang espiritu sa boluntaryo ug katungdanang panlipunan sa mga kawani sa lokal nga gobyerno, nga nagpahinumdom nga bisan ang gamayng buhat sa kalooy makahatag ug dakong kausaban sa kinabuhi sa uban. Pinaagi sa ilang pag-apil, gipakita sa mga empleyado ang ilang pagkahiusa ug suporta sa mga inisyatiba nga nagdasig sa pagkamatinabangon ug pagkahiusa sa komunidad.
Ang pagsaulog sa National Day of Charity nagpasidungog sa kamatuoran nga ang tinuod nga serbisyo publiko nagsugod sa kasingkasing nga andam motabang.(IKEN GULLEM)
Source: Dipolog City Government