Nakadawat ang Provincial Government of Zamboanga del Norte og dugang mga medical equipment gikan sa Philippine Charity Sweepstakes Office (PCSO) isip suporta sa pagpalig-on sa serbisyong panglawas sa probinsya.
Personal kining gitunol kaniadtong Abril 20 ni PCSO General Manager Melquiades “Mel” Robles, nga naglakip sa safety kits, glucometers, blood pressure apparatus, nebulizers, oxygen tanks, ug assistive devices sama sa wheelchair, crutches, walkers, ug canes.
Ang mga kagamitan ipang-apod-apod sa Zamboanga del Norte Medical Center ug Provincial Social Welfare and Development Office aron makatabang ilabina sa mga senior citizens, persons with disabilities, ug ubang pasyenteng nanginahanglan og medikal nga suporta.
Sumala sa provincial government, kabahin kini sa padayon nga pakigtambayayong sa PCSO aron mapalapdan pa ang access sa healthcare services sa katawhan sa Zamboanga del Norte.(IKEN B. GULLEM)
Source: Gov Darel Uy