Daling girespondehan sa Liloy Municipal Fire Station ang usa ka vehicular accident sa Barangay Patawag, Liloy, Zamboanga del Norte niadtong Abril 20, 2026 ubos sa pagpanguna ni FINSP Dave C. Dela Cruz, Acting Municipal Fire Marshal.
Pag-abot sa lugar, nakit-an ang pasyente nga naglingkod sa daplin sa dalan, buhi ug conscious, apan adunay samad sa mata ug bitiis, lakip na ang dental injury.
Gihatagan dayon og unang tabang ang pasyente pinaagi sa paglimpyo sa samad ug pagbutang og sterile dressing, samtang gi-monitor usab ang vital signs.
Human sa inisyal nga pag-atiman, gidala ang pasyente sa Liloy Integrated Health District Hospital alang sa dugang nga eksaminasyon ug pagtambal.(JENIFFER JR. DELICA)
Source: BFP R9 Liloy Fire Station