LILOY, ZAMBOANGA DEL NORTE — Nag-Turnover ang lokal nga kagamhanan sa Zamboanga del Norte og musical instruments ngadto sa tulo ka elementarya sa Liloy aron mapalambo ang talento ug interes sa mga estudyante sa musika.
Nakabenepisyo sa maong programa ang Sto. Niño Elementary School, Cabangcalan Elementary School, ug New Bethlehem Elementary School nga nakadawat og nagkalain-laing instrumento lakip ang gitara, drums, ug uban pang gamit pangmusika.
Sumala sa probinsyal nga panggamhanan, tumong sa inisyatibo nga mapalapad ang kahigayunan sa mga estudyante sa pagkat-on samtang nalingaw pinaagi sa musika.
Pinaagi niini, gipalig-on ang suporta sa probinsya sa edukasyon ug paghubog sa talento sa kabataan sa komunidad.(JENIFFER JR. DELICA)
Source: Zamboanga del Norte Provincial News Network