ZAMBOANGA DEL NORTE — Giawhag sa Department of the Interior and Local Government (DILG) ang tanang Local Government Units sa pag-apil sa selebrasyon sa “Women with Disabilities Day” karong umaabot Marso 30 aron mapalig-on ang partisipasyon sa kababayen-an nga adunay kabilinggan.
Ang maong selebrasyon ginabase sa Proclamation No. 224 s. 1988 ug Proclamation No. 711 s. 2004 nga nagdeklarar sa katapusang Lunes sa Marso matag tuig isip maong okasyon, nga nagpunting sa inklusibo ug patas nga pagtan-aw sa papel sa kababayen-an sa komunidad.
Gimandoan usab ang LGUs sa pagpahigayon og mga kalihokan ug pagpakita og suporta pinaagi sa information materials aron mapataas ang kahibalo sa publiko bahin sa maong adbokasiya.
Pinaagi niini, gipalig-on sa gobyerno ang paningkamot sa paghimo og mas inklusibo nga katilingban diin ang tanang kababayen-an adunay patas nga kahigayunan ug partisipasyon.(JENIFFER JR. DELICA)
Source: Zamboanga del Norte Provinicial News Network