LILOY, ZAMBOANGA DEL NORTE — Gipahigayon sa lokal nga panggamhanan sa Liloy ang monitoring sa donated medical supplies aron masiguro ang hustong paggamit, pagdumala, ug pagtipig niini alang sa serbisyo panglawas sa komunidad.
Gisusi sa mga partner organizations ang storage facilities aron mapamatud-an nga hapsay ug luwas ang paghipos sa mga donasyon, samtang andam kini gamiton sa emerhensya ug health services.
Kabahin usab sa kalihokan ang pag-apod-apod og supplements ug toothbrush sa mga buntis sa Barangay Baybay isip suporta sa maternal health.
Pinaagi niini, gipalig-on ang transparency, accountability, ug panagtambayayong sa mga organisasyon alang sa kaayohan sa komunidad.(JENIFFER JR. DELICA)
Source: Municipal of Liloy