Nagpadala og heavy equipment ang probinsyal nga pangagamhanan aron sugdan ang pag-ayo sa nadaut nga tulay nga nagkonekta sa Barangay Sigayan ug Barangay Aseniero, human sa reklamo sa mga residente bahin sa hulga nga dala sa pagbaha ug pagbanlas sa suba.
Sumala pa sa Barangay Councilor nga si Maribeth Amparado, paspas nga mitubag ang probinsya ubos sa pagdumala ni Gobernador Darel Dexter Uy sa ilang hangyo, ug pinaagi sa inspeksyon sa Provincial Engineering Office, nakit-an nga seryoso na ang kadaut sa bridge approach ug delikado na sa mga moagi.
Gisugdan na sa probinsya ang unang lakang sa pag-ayo aron malikayan ang posibleng aksidente, nga nagpakita sa paspas nga aksyon sa pangagamhanan sa pagpanalipod sa kaluwasan ug kaayohan sa mga residente sa barangay.(JENIFFER JR. DELICA)
Source: Zamboanga del Norte Provincial News Network