DIPOLOG CITY — Nipatuman og recorida ang mobile patrol personnel sa Dipolog City Police Station aron pahinumdoman ang komunidad bahin sa safety tips batok kawat ug robbery, lakip ang illegal drugs awareness, sa mga lugar nga daghang tawo sa siyudad.
Tumong sa kalihokan nga mapalig-on ang police visibility ug mapakatag ang impormasyon sa crime prevention ngadto sa mga transport operators, negosyante, ug sa kinatibuk-ang publiko.
Kabahin kini sa Anti-Criminality Campaign ug Enhanced Managing Police Operations sa estasyon aron masiguro ang kaluwasan sa katawhan ug mapadayon ang kalinaw ug kahusay sa Dipolog City.(JENIFFER JR. DELICA)
Source: Dipolog City Police Station, ZNPPO