Gipahibalo sa Central Office sa Department of Economy, Planning and Development nga abli na ang pagdawat og aplikasyon alang sa 2026 Presidential Filippinovation Awards, sumala sa sulat nga nadawat sa buhatan ni City Mayor Roberto Y. Uy.
Matod sa DEPDev, ang maong tinuig nga kompetisyon gipahigayon subay sa Executive Order Number 99, series of 2025 sa National Innovation Council, ug Memorandum Circular Number 78, series of 2025, nga nagtumong sa pag-ila sa mga Filipino individuals ug Filipino-owned enterprises nga adunay innovative nga produkto ug serbisyo.
Ang 2026 nga edisyon sa Presidential Filippinovation Awards magpasiugda sa scalable solutions, market readiness, ug pakigdugtong sa industriya ug investors, samtang gi-awhag usab ang lokal nga pangagamhanan sa pagsuporta ug pagsangyaw sa maong programa ngadto sa mga hingtungdang sektor.(JENIFFER JR. DELICA)
Source: Dipolog City Government