Nagpahigayon og city-wide monitoring ug inspeksyon sa mga fuel retail station ang Composite Monitoring Team sa Local Price Coordinating Council (LPCC) sa Dakbayan sa Dipolog isip pagsunod sa Executive Order No. 29, Series of 2026.
Gipangunahan ni City Agriculturist Engr. Kerr N. Porlas ang kalihokan uban sa Permits and Licenses Division ug City Information Office aron masiguro ang patas nga presyo, kalig-on sa merkado, ug pagsunod sa mga estasyon sa mga regulasyon sa pagbaligya sa petroleum ug liquefied petroleum gas (LPG).
Gisusi sa monitoring team ang gipatuman nga presyo sa mga produktong petrolyo ug LPG aron masiguro nga nasunod ang umiiral nga mga lagda ug malikayan ang dili makatarunganong pagpresyo.
Kini nga kalihokan kabahin sa padayon nga paningkamot sa lokal nga panggamhanan aron mapanalipdan ang interes sa mga konsumidor pinaagi sa regular nga pagmonitor sa presyo sa fuel ug pagpatuman sa mga balaod nga may kalabutan sa pamatigayon.(IKEN B. GULLEM)
Source: Dipolog City Government