Usa ka Press Briefing kabahin sa Water Rates Adjustment ang gipahigayon sa mga kawani sa Dipolog City Water District (DipCWD) mga alas 9:00 ang takna sa buntag niadtong Hunyo 17,2026, didto sa DIPCWD Lounge, Highway Minaog, Dipolog City.
Ang maong kalihokan gipangulohan ni Engr. Ruel D. Tabada, General Manager sa (DipCWD),kauban sa mga staff nga gipangulohan niini nga gisalmotan usab sa mga personahe sa Media.
Tumong sa nasangpit nga kalihokan mao ang paghisgot sa mga hinungdan sa pagtaas sa rate sa balayrunon sa tubig alang sa mga konsumidor karong tuiga.
Gituki niini ang pipila sa mga problema sa mga konsumidor sa pag access sa tubig ilabi na ngadto sa mga highly elevated nga mga lugar nga gitinguha nga mahatagan ug kasulbaran.
Dugang pa gihisgotan usab ang highlight sa maong programa nga mao ang adjustement rate sa tubig diin nitubo kini gikan sa P205.00 sa 2015 mitaas na ngadto sa P245.00 alang karong tuig sa 2026 homan sa 11 ka tuig nga water rate adjustment.
Nasayran nga adunay pipila ka mga lugar dinhi sa dakbayan nga walay access sa tubig ubos sa DipCWD , nga karon gipaningkamotan sa kawani nga matabangan ang uban pang mga Kabarangayan nga malakip sa pag access sa tubig.
Tungod sa nagkalapad na nga access sa tubig,ang DipCWD, nagtanyag sa mga konsumidor ug mga pamaagi alang ngadto sa buot mubayad sa ilang binuwan nga bayrunon sa tubig nga makabyad gilayon sa bisan unsang orasa pinaagi sa ilang 24/7 “Dippy Pay”.
Alayon niini nga ang mga konsumidor maserbisyohan nga walay kakulian, problema alang sa ilang responsibilidad sa pagbayad sa tubig nga husto, sayon ug mas konbeniyente alang sa tanan.(MEDALYN U. BORJA)