Usa ka 77-anyos nga babaye gikan sa Brgy. Pacuhan, Salug, ZDN, ang gidali og hatod sa ospital human makasinati og lisod nga pagginhawa niadtong Hunyo 17, 2026.
Mitubag dayon ang MDRRMO-Salug Emergency Response Unit (SALERU) sa maong medikal nga emerhensiya alas 3:08 sa hapon aron tabangan ang pasyente ug masiguro ang iyang kahimtang.
Pag-abot sa mga responder, ilang gihimo ang paspas nga pag-assess sa pasyente, pagkuha sa vital signs, ug paghatag sa gikinahanglang pre-hospital care ug padayon nga pagmonitor.
Human sa inisyal nga pag-atiman, luwas nga gidala ang pasyente ngadto sa Liloy District Hospital alang sa dugang eksaminasyon ug pagtambal.
Sumala sa MDRRMO-Salug, magpadayon sila sa paghatag og dali ug episyenteng emergency medical services aron mapanalipdan ang kinabuhi ug kahimsog sa katawhan sa lungsod.(JENIFFER JR. DELICA)
Source: SALUG DRRM OFFICE