Liboan ka kabus nga pamilya sa Zamboanga del Norte ang direktang nakadawat og preskong gulay human sa dungan nga distribution activity nga gipahigayon niadtong Mayo 1, 2026.
Gipangulohan ang food distribution sa Presidential Management Staff (PMS) Cebu ubos sa Office of the President, kauban ang Department of Agriculture, Provincial Agriculturist Office, ug Provincial Social Welfare and Development Office.
Mitabon sa 1,000 ka identified poorest-of-the-poor households ang ayuda nga gi-apod-apod sa mga lungsod sa Dapitan, Dipolog, Katipunan, Roxas, Manukan, ug Jose Dalman.
Sa Dipolog City, gihimo ang main distribution sa D’Food Hub and Events Center sa Dipolog Boulevard, diin personal nga gidawat sa mga benepisyaryo ang mga gulay nga ipanghatag.
Sumala sa mga nagpatuman, ang aktuwal nga distribusyon nagtumong sa dali ug direkta nga paghatag og nutrisyonal nga suporta sa mga pamilya nga labing nanginahanglan sa komunidad.(IKEN B. GULLEM)
Source: Dipolog City Government