Gipalig-on sa kapulisan sa Zamboanga del Norte 2nd Provincial Mobile Force Company (ZNPMFC)ang ilang preventive policing strategy pinaagi sa presensya sa mga lugar sa pagsimba isip kabahin sa Oplan Bathala, nga nagtutok sa paglikay sa posibleng hulga sa kalinaw imbis nga moresponde na lamang sa insidente.
Niadtong Abril 26, 2026, ang mga personahe sa 2nd ZNPMFC ubos sa pagdumala ni PLTCOL Edwin D. Verzon, mitambong sa Sunday Mass ug nagpatuman sa strategic police visibility sa ilang area of responsibility.
Sumala sa mga tigpasiugda, ang presensya sa pulis sa simbahan dili lang para sa seguridad kondili usa ka paagi sa pag-obserbar sa kahimtang sa komunidad, pagtan-aw sa posibleng risgo, ug pagpalig-on sa sayong interbensyon kung adunay hulga sa kahapsay.
Gipahayag usab nga ang mga lugar sa pagsimba giisip nga importante nga “community pulse points,” diin makita ang kalihokan sa katawhan ug ang kinatibuk-ang kahimtang sa seguridad ug sosyal nga interaksyon.
Padayon ang pasalig sa ZN 2nd PMFC sa pagpanalipod sa mga lugar sa pagsimba ug sa pagmintinar sa kalinaw pinaagi sa pamaagi nga nag-una sa pagpugong sa krimen ug pagpalig-on sa kooperasyon sa katawhan.(IKEN B. GULLEM)
Source: Zamboanga del Norte 2nd PMFC