Nadakpan sa kapulisan ang usa ka wanted person atol sa operasyon sa San Fernando, Cebu niadtong miaging hapon.
Ang suspek usa ka 52-anyos nga lalaki nga giila isip “Other Wanted Person” (OWP). Siya gidakop sa Tracker Team sa San Fernando Municipal Police Station pinaagi sa warrant of arrest tungod sa paglapas sa balaod batok sa illegal nga armas ubos sa Republic Act 10591.
Nadakpan ang suspek sulod sa usa ka residential area sa maong lungsod ug gilayon kining gidala sa kustodiya sa pulisya human mahatag ang warrant. Gipahibalo usab siya sa iyang mga katungod sumala sa balaod.
Gidayeg ni PCOL Abubakar Udang Mangelen Jr. ang mga pulis nga nagpatuman sa operasyon. Matud pa niya, padayon ang ilang paningkamot sa pagdakop sa mga wanted person aron mapanalipdan ang kalinaw ug kahapsay sa probinsya sa Cebu.
Giawhag usab sa kapulisan ang publiko nga motabang pinaagi sa paghatag og impormasyon aron madakpan ang uban pang mga nagbuhat og krimen.
Source: CPPO
I via Renante Socia Lada