Mibisita kagabie, Nobyembre 9, 2025, ang maabtik nga Acting Municipal Mayor, Hon. Antonio B. Jumawak, sa operations center sa Municipal Disaster Risk Reduction and Management Office (MDRRMO) kuyog sa MDRRMO Designate nga si Ms. Filomena J. Valencia aron personal nga motan-aw sa kahimtang ug pagmonitor sa Super Typhoon “Uwan.”
Giadto usab ni Hon. Jumawak ang Barangay San Antonio ug nakigpulong kang Barangay Captain Hon. Alma Jaictin aron hisgutan ang mga lakang nga angay buhaton aron mapangandaman ang mga posibleng epekto sa bagyo, ilabi na sa mga daplin sa baybayon.
Ang maong lakang nagpakita sa aktibong pagpangulo sa lokal nga panggamhanan sa pagpanalipod sa katawhan ug sa pagpangandam batok sa hulga sa kalikupan.(JENIFFER JR. DELICA)
Source: Bag-ong Katipunan