Gipalig-on sa Philippine National Police sa Zamboanga del Norte ang internal leadership ug morale sa hanay sa kapulisan human gipahigayon ang “Talk to Men” sa Piñan Municipal Police Station karong Enero 29.
Personal nga mitambong si Acting Provincial Director PLTCOL Reydante E. Ariza, kauban si PLTCOL Ricardo C. Banes Jr., aron makigpulong ug maminaw sa mga kahimtangan, hagit, ug panginahanglan sa mga pulis sa Piñan. Gitumong sa kalihokan ang pagdasig sa disiplina, propesyonalismo, ug lig-on nga panaghiusa sulod sa organisasyon.
Gilangkuban usab kini sa lokal nga command staff sa Piñan Police Station, nga nagpahayag sa ilang padayon nga paningkamot sa paghatag og episyente ug matinud-anong serbisyo, samtang gipasalig sa kapulisan ang ilang komitment sa kalinaw, kahapsay, ug kaluwasan sa katawhan sa lungsod sa Piñan.(JENIFFER JR. DELICA)
Source: Mayor Rommel Gudmalin