Malampuson ang duha ka adlaw nga libre nga medical ug surgical mission alang sa mga pasyenteng may sakit sa kasingkasing ug naga-dialysis, nga gipangunahan ni Dr. Michael Burdador sa Zamboanga del Norte Medical Center kaniadtong Enero 29.
Gitutokan sa kalihokan ang agarang konsultasyon, screening, ug interbensyon medikal aron mahatagan og higayon ang mga pasyente nga makadawat og hustong pag-atiman bisan walay bayad. Gipakita sa ZNMC medical team ang taas nga lebel sa disiplina, panaghiusa, ug kalooy sa matag pasyente nga ilang giserbisyohan, ilabina ubos sa pagpangulo ni Ma’am Herdina Gallegos.
Gipasalamatan usab ang padayon nga suporta ni Governor Darel Uy ug ang pamuno ni Hospital Administrator Dr. Esmeralda Nadela, nga nahimong yawe sa kalampusan sa maong inisyatiba—usa ka lakang nga nagpalapad sa akses sa kalidad nga serbisyong panglawas alang sa katawhan sa lalawigan.(JENIFFER JR. DELICA)
Source: Zamboanga del Norte Medical Team