Sikop ang usa ka 36 anyos nga Street Level Individual, atol sa gipatuman nga hiniusang buy-bust operation sa mga operatiba sa bisa sa search warrant pinaagi sa Dapitan CPS uban sa mga operatiba gikan sa 5TH SOU MG MABUHAY SBC, ZDN MARPSTA, 1st ZN PMFC, 97th IB ug RID9, mga alas 5:07 ang takna sa hapon niadtong Enero 27,2026 didto sa Purok Maasin, Brgy. Talisay, Dapitan.
Ang maong dinakpan naila nga usa ka 36 anyos nga lalaki, ulitawo, walay trabaho, residente sa nasangpit nga lugar,kinsa nalista isip Street Level Individual (SLI) sa Illegal Drugs watchlist sa Dapitan CPS, tungod sa paglapas sa RA 9165 (Comprehensive Dangerous Act of 2002) ubos sa Search Warrant nga gi-isyu ni HON. JOSE RENE G. DONDOYANO, Presiding Judge, 9th Judicial Region, RTC, Dipolog City nga gipetsahan Enero 20, 2026.
Nasakmit sa mga awtoridad atol sa operasyon ang gibana-bana nga usa ka gramo sa gituohang shabu, uban sa nagkalain-laing mga gamit sa droga ug mga butang nga dili droga, nga gibanabanang mobalor og P6,800.00.
Ang tanang nakumpiska nga mga butang gi-imbentaryo ug gisumite sa Zamboanga del Norte Provincial Forensic Unit-9 alang sa kemikal nga eksaminasyon. Samtang ang dinakpan nga suspek anaa na karon sa kustodiya sa Dapitan CPS, samtang naghulat sa hustong disposisyon subay sa balaod.(MEDALYN U. BORJA)
Source: ZNPPO