Mikortesiya kang Dipolog City Mayor Roberto Y. Uy si Police Brigadier General Dennis A. Esguerra, Regional Director sa Police Regional Office IX, didto sa City Mayor’s Office sa hapon sa Hunyo 8, 2026.
Kauban ni Esguerra sa maong pagbisita sila si Zamboanga del Norte Police Provincial Office Chief Police Colonel Reynante E. Ariza, Dipolog Chief of Police Police Lieutenant Colonel Kishna B. Asaali, ug uban pang mga miyembro sa ilang delegasyon.
Gamit ang maong courtesy call, gipalig-on sa Philippine National Police ug sa Kagamhanang Lokal sa Dipolog ang ilang koordinasyon ug panagtambayayong sa pagpalambo sa kalinaw ug kahapsayng pangpubliko sa siyudad.
Gilauman nga mas mapalig-on pa pinaagi sa maong kooperasyon ang mga inisyatiba alang sa seguridad, kaluwasan sa komunidad, ug padayon nga kalamboan sa mga Dipolognon.(JENIFFER JR. DELICA)
Source: Dipolog City Government