Malampusong nilusad ug Field initiative ang mga kawani gikan sa Department of Trade and Industry – Zamboanga del Norte (DTI-ZDN), pinaagi sa Negosyo Centers Liloy ug Siayan,nga gipahigayon niadtong Hunyo 9, 2026, sa upat ka Barangay ning probinsya sa Zamboanga del Norte.
Ang maong aktibidad gipasiugda pinaagi sa usa ka Financial Literacy and Consumerism Seminar sa nasangpit nga upat ka mga Barangays nga gilangkuban sa Brgy. Cabangcalan nga gitanyagan ug usa ka Clean and Green Program nga kolaborasyon sa Brgy. Candelaria, ngadto sa hands-on nga livelihood skills training sa rug making sa Brgy. Goin ug liquid detergent production nga adunay packaging design sa Brgy. Balok.
Ang DTI padayon nga naningkamot sa pagpasiugda sa ilang pasalig ug mga inisiyatiba sa pagdala sa mahinungdanong mga kahanas sa panginabuhian, dili lang alang ngadto sa mga benepisyaryo sa 4ps sa mga Barangay apan lakip usab sa pagpanalipod sa mga konsumidor alang pagpadayon sa malungtarong kalamboan sa ekonomiya diretso sa atong mga lokal nga mga kabarangayayan.(MEDALYN U. BORJA)
Source: DTI Zamboanga del Norte