Nakig-uban si Liloy Mayor Roberto Lim Uy Jr. sa mga lokal nga opisyal ug mga kaabag sa gobyerno sa usa ka kalihokan nga nagtumong sa pagpalig-on sa panagtambayayong ug pagpauswag sa mga programa alang sa panglawas, nutrisyon, ug kalamboan sa komunidad.
Mitambong usab sa maong kalihokan sila si Dir. Faith F. Alberto, PMNP Project Team Leader, Dr. Dennis Antonio Dacayanan, LHSD Chief, ug Chrystal Jean Intal Dela Cerna, Nutritionist-Dietitian IV ug PMNP-IX Regional Project Manager.
Gipasiugda sa tigom ang kamahinungdanon sa lig-on nga kooperasyon tali sa nasyonal, rehiyonal ug lokal nga mga kaabag aron mas epektibong mapatuman ang mga programa nga makapauswag sa kahimtang sa panglawas ug nutrisyon sa katawhan.
Gilauman nga pinaagi sa hiniusang paningkamot sa tanang sektor, mas mapalig-on pa ang mga inisyatiba nga maghatag og mas himsog, lig-on ug mauswagon nga komunidad alang sa mga residente sa Liloy.(JENIFFER JR. DELICA)
Source: Municipality of Liloy