Kapin sa 90 ka mga estudyante sa Lapayanbaja Elementary School sa Polanco ang nakabenepisyo sa feeding activity nga gipahigayon sa Polanco Municipal Police Station isip kabahin sa pagsaulog sa ika-31 nga Police Community Relations Month.
Gipahigayon ang kalihokan uban sa pagtinabangay sa mga opisyal sa barangay, barangay tanod, ug barangay health workers aron mapalig-on ang pag-atiman sa kahimsog sa mga kabataan ug ang panaghiusa tali sa kapulisan ug komunidad.
Gawas sa paghatag og pagkaon, gipakita usab sa maong inisyatiba ang paningkamot sa kapulisan ug ilang mga kauban sa pagpalambo sa kultura sa pagtinabangay, pag-atiman, ug serbisyo alang sa mga kabataan.
Sumala sa Polanco Municipal Police Station, padayon silang magpatuman og mga community-based nga kalihokan aron mapalig-on ang relasyon tali sa kapulisan ug katawhan pinaagi sa mga programang adunay direktang kaayohan sa komunidad.(JENIFFER JR. DELICA)
Source: Polanco Municipal Police Station