Girespondehan sa Emergency Medical Services sa Dapitan City Fire Station ang usa ka lalaki nga nagkinahanglan og emerhensiyang medikal nga tabang sa Barangay Dawo, Dapitan City, human siyang makasinatig taas nga hilanat ug grabeng pagluya sa lawas.
Pag-abot sa mga responder, ilang nasuta nga alerto ang pasyente apan adunay taas nga temperatura, ubo nga adunay plema, ug dili maayong pamati. Sumala sa iyang anak, adunay kasaysayan ang pasyente sa stroke, hypertensive cardiovascular disease, ischemic heart disease, ug Type 2 Diabetes Mellitus.
Gihatagan dayon siya og prehospital care, lakip ang pagpabugnaw sa lawas pinaagi sa bugnaw nga compress, pagbutang sa husto nga posisyon aron sayon ang pagginhawa, ug padayon nga pagmonitor sa iyang vital signs samtang gidala sa ambulansya.
Luwas nga gidala ang pasyente ngadto sa Dr. Jose Rizal Memorial Hospital alang sa dugang ebalwasyon ug pagtambal, diin gitugyan siya sa mga medical personnel uban sa tanang assessment findings ug pag-atiman nga nahatag sa mga responder.(JENIFFER JR. DELICA)
Source: BFP R9 Dapitan City Fire Station