Ang mga personahe sa Dapitan City Police Station gipangulohan ni PCpl Joseph Herby N. Acorin ubos sa direkta nga superbisyon ni PLTCOL Eva Joy E. Capurcos, Acting Chief of Police, mipahigayon og school visitation ug dialogue sa Sigayan Secondary School, Barangay Sigayan, Dapitan City, niadtong Agosto 26, 2025 sa alas-10 sa buntag.
Ang maong kalihukan gihimo aron mapalig-on ang presensya sa kapulisan sa mga eskwelahan ug mapakusgan ang kampanya batok krimen pinaagi sa paghatag og impormasyon ug pahimangno sa mga estudyante ug magtutudlo.
Sa ilang pakighinabi, gipasabot sa kapulisan ang importansya sa paglikay sa pag-apil sa bisan unsang kalihukan nga makaangin og kadaut sa kabatan-onan, lakip na ang pagpanghimulos sa iligal nga droga, pag-apil sa gang, ug uban pang mga krimen. Gihisgutan usab ang papel sa kabataan sa pagmintinar sa kalinaw ug seguridad sa komunidad pinaagi sa aktibong pagreport sa mga makaduda nga kalihukan.
Ang maong school visitation ug dialogue usa sa mga inisyatibo sa kapulisan sa Dapitan aron mapadayon ang kolaborasyon tali sa PNP, kabataan, ug sektor sa edukasyon, ug aron mapalig-on ang ilang paningkamot sa pagmugna og hapsay, malinawon, ug luwas nga katilingban.(Jumalisa Papa)
Source: Dapitan CPS