Naghiusa ang lain-laing ahensya sa gobyerno sa lungsod sa Dapitan atol sa gipahigayon nga 3rd Quarter City Inter-Agency Committee Meeting kagahapon, Agosto 27, 2025 sa may alas 9:00 sa buntag didto sa Amphitheater, New Government Center, Barangay Dawo, Dapitan City.
Mitambong sa maong kalihokan si PLTCOL Eva Joy E. Capurcos, Acting Chief of Police sa Dapitan City Police Station (CPS), uban ang mga representante gikan sa Department of Education, City Health Office, City Agriculture, DILG, DSWD Dapitan, ug Pantawid Pamilyang Pilipino Program (4Ps) Dapitan.
Gihisgutan sa miting ang nag-unang mga isyu sa ekonomiya ug uban pang kabalaka sa syudad, uban sa tumong nga mapalig-on ang panaghiusa ug mas lig-on nga kooperasyon tali sa mga ahensya aron mapaayo pa ang pagserbisyo sa katawhan.
Gitambongan usab ang kalihokan sa presensya ni Hon. Evelyn T. Uy, City Mayor sa Dapitan City, nga naghatag og suporta sa paningkamot sa Inter-Agency Committee alang sa mas episyente ug epektibong paghatod sa mga programa ug serbisyo publiko sa Dapitan.(Jumalisa Papa)
Source: Dapitan CPS