Malampusong gipahigayon ang KASIMBAYANAN Community Outreach Program sa Barangay Sicayab Bucana, Dapitan City kagahapon sa alas 10:30 sa buntag Hulyo 10, 2025.
Ang kalihokan gipangulohan ni PEMS Marlou E. Elopre CESPO ubos sa direktang superbisyon ni PMAJ Mendel S. Casao, Officer-in-Charge sa Dapitan City Police Station, uban ang partisipasyon sa religious sector ug mga barangay opisyal.
Gipasiugdahan niini ang barangay visitation, pagpang-apod-apod og Information, Education and Communication (IEC) materials, ug dayalogo kabahin sa mga nag-unang balaod sama sa R.A. 9262 (Anti-Violence Against Women and Their Children Act of 2004), R.A. 11313 (Safe Spaces Act o Anti-Bastos Law), R.A. 8353 (Anti-Rape Law), ug R.A. 9165 (Comprehensive Dangerous Drugs Act of 2002).
Gituki usab ang papel ug mga katungdanan sa mga Barangay Tanod isip unang responder sa mga insidente ug kalihukan sa ilang barangay.
Ang maong outreach kabahin sa Revitalized KASIMBAYANAN Program (Kapulisan, Simbahan, Pamayanan) nga nagtinguha sa paghiusa sa kapulisan, simbahan ug katawhan alang sa kalinaw, seguridad, ug moralidad sa komunidad.
Nagpasalamat ang mga residente ug opisyal sa Barangay Sicayab Bucana sa maong inisyatiba, nga dako ug positibong natampo sa ilang kahibalo ug kahusay sa barangay.(Jumalisa Papa)
Source: Dapitan City Police Station