Nahulog sa Pang-pang ang usa ka Rural Bus nga adunay sakay nga mga Estudyante, didto sa Purok 4, sa Barangay Mahayahay, Lungsod sa Dumingag, Probinsiya sa Zamboanga Del Sur, kon kulang alas 9:00 sa buntag, Hulyo 10, 2025.
Tungod sa nasangpit nga Disgrasya, adunay Duha ka Indibidwal ang nakabsan sa ilang Kinabuhi, diin kini gikumpermar ni Dr. Ju Kanra Panugao, nga dead on Arrival (DOA) ang doruha, sa Rural Health Unit sa Lungsod sa Dumingag, Probinsiya sa Zamboanga del Sur, diin gikumpermar usab nga estudyante ang usa sa nasangpit nga nakabsan sa iyang Kinabuhi.
Gibutyag usab ni Dr.Panugao nga ana sa 25 ka biktima ang midangat sa naasoy nila nga tambalanan, nga matud pa pareho kining adunay seryoso nga mga Injury, ug lakip nga nadala sa ilang tambalanan, ang usa ka Puya nga Bata.
Matud pa nga ang nahisgutang Rural Bus, nagbyahe kini gikan sa Lungsod sa Sindangan ning Probinsiya sa Zamboanga Del Norte, ug padulong ang Distinasyon niini ngadto sa Dakbayan sa Pagadian Probinsiya sa Zamboanga Del Sur, apan sa paghidangat na niini ngadto sa Purok 4 sa Barangay Mahayahay sa nasangpit nga Lungsod ug Probinsiya, kalit na lamang dili mo Function ang Break sa maong sakyanan, nga maoy hinungdan, nga nahulog kini sa Pang-pang sa nahisgutang lugar.
Padayon pang mipahigayon og makuting imbistigasyon ang mga Awtoridad, kabahin sa maong Incidente, ug padayon pa usab nga sayron ang katibuk-ang sakay sa maong Bus, maingon man sayron pa ang kinatibuk-ang nakabsan sa kinabuhi, tungod sa maong disgrasya.(Julius Esmade)
Photo: CTTO