Nagpahigayon og Ugnayan sa Paaralan/Kabataan program ang Community Affairs and Development personnel sa Dipolog City Police Station sa Sto. Niño Elementary School sa Barangay Sto. Niño, Minaog, Dipolog City aron mapalig-on ang kahibalo sa kabatan-onan batok sa ilegal nga droga ug kriminalidad.
Gipangulohan ni Police Staff Sergeant Nelson C. Gonzales, CAD PNCO, ang maong kalihokan uban sa suporta sa Local Government Unit sa Dipolog ug sa koordinasyon ni School Principal Leonardo B. Obnimaga nga girepresentahan ni Grade 5 Adviser Maricel N. Rosagenia.
Atol sa awareness lecture nga gipahigayon sa Grade 4 classroom sa eskwelahan, gipasabot sa mga pulis ang kahinungdanon sa paglikay sa ilegal nga droga, pang-abuso, ug uban pang hulga sa kalinaw ug kaluwasan sa komunidad.
Sumala sa kapulisan, ang programa nagtumong sa pag-edukar sa mga estudyante aron dili sila mahimong biktima sa kriminalidad ug aron mahimong kaabag sa Philippine National Police sa pagpalig-on sa kalinaw, kahapsay, ug kaluwasan sa komunidad.(JENIFFER JR. DELICA)
Source: Dipolog City Police Station, ZNPPO