Nagpahigayon og tree-planting activity ang United Students for Eco-Impact sa Saint Vincent’s College, Inc. sa pakigtambayayong sa Dipolog Environment and Natural Resources Office aron mapalambo ug mapasig-uli ang Cogon Eco-Tourism Park sa Dipolog City.
Ang maong inisyatiba gipangulohan sa mga estudyante nga nagtinabangay sa pagtanom og mga lumad nga kahoy isip kabahin sa paningkamot sa pagpanalipod sa kinaiyahan ug pagpalig-on sa eco-tourism site sa lugar.
Pinaagi sa kalihokan, gipalambo ang kahibalo sa kabatan-onan sa kahinungdanon sa pag-atiman sa kalikupan ug sa papel nila sa pagpanalipod sa kinaiyahan.
Sumala sa mga organisador, ang maong proyekto nag-awhag sa mga partisipante nga ipatuman sa aktuwal ang ilang nahibal-an sa klase pinaagi sa pag-apil sa ecological restoration ug sa pagpalambo sa kultura sa sustainability sa komunidad.(JENIFFER JR. DELICA)
Source: PIA Zamboanga del Norte