Nakadawat og Plaque of Appreciation ang Local Government Unit sa Dakbayan sa Dapitan, gikan sa Philippine Drug Enforcement Agency (PDEA),atol sa ilang gipahigayon nga selebrasyon og paghandom sa Ika-23 Founding Anniversary, niadtong nakalabay’ng adlaw, Hulyo 8, 2025, didto sa Subanen Hall, sa Provincial Government Center, sa Barangay Dao, Dakbayan sa Pagadian.
Gidawat ang nasangpit nga Award sa bag-ong Bise Mayor sa Dakbayan sa Dapitan, Vice Mayor Gabriel Cad, diin matud pa ang naasoy nga Plaque of Appreciation, usa ka Simbolo sa Lig-on nga pakigtimbayayong ug Dasig nga Kolaborasyon sa Lgu Dapitan, maingon man ang mga dili pangkasagaran nga natampo sa mga Programa ug Adbokasiya sa PDEA-9, dinhi sa tibuok Zamboanga peninsula.
Ang ika-23 ka Tuig nga Anibersaryo sa PDEA ning maong Tuig, nagdala sa Tema nga “Matatag na PDEA sa Bagong Pilipinas, Pamayanan ay Ligtas,” diin gihatagan og dakong pag-ila ang Dapitan City isip Modelo nga Dakbayan sa ilang padayon nga pagsingkamot nga ang ilang syudad magpabiling Drug Free and Safer Society.(Julius Esmade)
Source: CITY GOVERNMENT OF DAPITAN