Gipahayon sa mga Personahe sa Dapitan City Police Station ang Programa nga Awareness Campaign, ngadto sa magtutudlo ug mga Estudyante sa Grade 7 sa Napo National High School, kagahapong adlawa, Hulyo 8, 2025 sa may ala 1:00 ang takna sa hapon.
Gipangunahan ang nasangpit nga aktibidad ni Pmsg. Ramil C Divinagracia, inabagan ni Pcpl. Rhomer G Sumalpong, diin mipahigayon kini og Information Dissemination, kabahin sa Anti-bullying Act of 2013.
Gisingkamotan sa mga Personahe sa Dapitan City Police Station, nga dili masinatian sa mga magtutungha sa nasangpit nga tulunghaan ang Bullying, tungod kay mao man kini ang mahimong hinungdan, nga ang pipila ka mga Estudyante, moundang na sa pagtungha, gumikan pagpang Bully sa ilang kauban nga mga magtutungha.
Gipasabot usab sa Pnp Dapitan ngadto sa mga magtutudlo nga ilang e Monitor ang ilang mga Estudyante, ug sayron nila, kon wala bay nahitabong pagpang Bully kanila, maingon man nga padayon nilang ipahinumdom sa mga bata, nga adunay balaod nga ilang masupak nga Anti-bullying Act of 2013, kon mang Bully sila sa ilang mga ka Schoolmate.(Julius Esmade)
Photos: Dapitan City PNP