Nagbangga sa kahanas ug panaghiusa ang mga team gikan sa nagkalainlaing opisina sa City Government of Dipolog atol sa Panagsangka 2026 Football Festival nga gipahigayon niadtong Hunyo 27, 2026 sa Football Field sa Dipolog Sports Complex sa Brgy. Olingan.
Kabahin ang maong football festival sa mga sporting events nga giandam sa City Government of Dipolog isip selebrasyon sa ika-113 nga Adlaw sa Dipolog. Gipakita sa mga partisipante ang ilang determinasyon, disiplina ug sportsmanship sa matag duwa.
Gawas sa kompetisyon, nahimong higayon usab ang kalihokan sa pagpalig-on sa panaghiusa ug panaghigalaay tali sa mga empleyado sa city government pinaagi sa himsog ug patas nga kompetisyon.
Matud sa City Government of Dipolog, ang Panagsangka Sports Festival padayon nga naghatag og mga kalihokang nagpalambo sa teamwork, aktibong panginabuhi ug espiritu sa panaghiusa isip kabahin sa kasaulogan sa anibersaryo sa pagkatukod sa dakbayan.
Source: Dipolog City Government