Gipahigayon gikan Agosto 17 hangtod 19 ang tulo ka adlaw nga Community-Based Disaster Risk Reduction and Climate Change Adaptation Training sa Municipal Disaster Risk Reduction and Management Evacuation Center sa Poblacion North, Piñan, Zamboanga del Norte, isip kabahin sa programa sa DSWD KALAHI-CIDSS.
Pinaagi sa maong training, gihatagan ang mga partisipante og dugang kahibalo ug kahanas sa disaster preparedness, risk reduction ug climate change adaptation. Gitutokan usab niini ang mga pamaagi aron mas maandam ang mga komunidad sa lain-laing katalagman ug epekto sa pagbag-o sa klima.
Gipasiugda sa kalihukan ang kamahinungdanon sa padayong capacity building aron mapalig-on ang abilidad sa mga komunidad sa pag-andam, pagresponde ug pag-atubang sa mga emerhensiya ug climate-related nga mga hagit.
Pinaagi sa padayong pagbansay ug pagpalapad sa kahibalo, gilauman nga mas mahimong andam, lig-on ug responsibo ang mga komunidad sa Piñan panahon sa kalamidad.(JENIFFER JR. DELICA)
Source: Mayor Rommel Gudmalin