Altibong gi-host sa Department of Agrarian Reform Provincial Office (DARPO) ang usa ka pormal nga Pickleball Mini-Tournament isip kabahin sa ilang programa nga nagpalambo sa kahimsog, panaghiusa, ug kaayohan sa mga empleyado.
Ang maong kalihokan nagtigom sa mga kawani sa DARPO sa usa ka organisado ug madasigon nga kompetisyon nga nagpakita sa espiritu sa teamwork ug propesyonalismo. Ang torneyo dili lamang naghatag og kalingawan kondili nagpalig-on usab sa relasyon tali sa mga empleyado sulod sa opisina.
Nanguna isip overall champions sila Engr. Alfonso A. Tan (PARPO I) ug Engr. Roger John A. Tamala. Gisundan sila ni Aljay H. Labuga ug Welliam Lipasana sa ikaduhang puwesto, samtang nakuha ni Gierelle B. Diaz ug Engr. Spencer P. Lumayao ang ikatulong puwesto.
Isip pag-ila sa ilang partisipasyon ug kahusayan, gihatagan og certificates ang tanang miapil. Ang mga nag-unang mananaog nakadawat usab og medalya isip opisyal nga pasidungog sa ilang talagsaong performance ug maayong sportsmanship.
Gipasiugda sa DARPO nga ang maong inisyatiba kabahin sa ilang padayon nga paningkamot sa paghimo og usa ka himsog, nagkahiusa, ug lig-on nga workforce, nga maoy pundasyon sa epektibo ug responsableng serbisyo publiko.(IKEN B. GULLEM)
Source: DAR Zamboanga del Norte Provincial Office