Isip kabahin sa padayon nga kampanya alang sa kaluwasan sa publiko, magpahigayon ang lokal nga panggamhanan sa Local Government Unit sa Katipunan og libre nga anti-rabies vaccination alang sa mga iro ug iring sa Abril 30, 2026, gikan alas 8:00 hangtod alas 11:00 sa buntag sa Jerolen Enterprises (Canoy Agrivet), Barangay Uno.
Gihimo ang kalihokan pinaagi sa panagtambayayong sa LGU Katipunan, Universal Robina Corporation, ug Canoy Agrivet, nga nagtutok sa pagpasiugda sa responsableng pag-atiman sa mga alagang hayop ug paglikay sa risgo sa rabies sa komunidad.
Gipasiugda sa LGU nga ang regular nga pagbakuna sa iro ug iring usa ka importante nga pamaagi aron malikayan ang pagkatakod sa rabies, nga mahimong makadaot sa kahimsog sa tawo kung dili mapugngan.
Ginaawhag ang tanang pet owners sa Barangay Uno ug kasikbit nga lugar nga dal-on ang ilang mga iro ug iring aron mapahimuslan ang libre nga serbisyo.(IKEN GULLEM)
Source: Municipal Agriculture Katipunan