Nagpatuman og klarong pick-up points ang lokal nga kagamhanan sa Dapitan City human sa konsultasyon uban sa mga Tricycle Operators and Drivers’ Association (TODA) ug sa Evergood Transit.
Tumong sa lakang nga maprotektahan ang panginabuhian sa mga motorcab driver samtang gipadayon ang sayon nga biyahe sa publiko, ilabi na sa mga estudyante ug trabahante nga mobiyahe paingon sa Dipolog City.
Ubos sa bag-ong kahikayan, mahimo lamang mosakay ang mga pasahero sa Evergood Transit sa mosunod nga lugar: Plaza duol sa Jose Rizal Memorial State University ug DAMPA Terminal
Magsilbing main terminal sa bus ang DAMPA Terminal, samtang ang plaza duol sa JRMSU magsilbing dugang nga pick-up point. Gitugotan gihapon nga manaog ang mga pasahero bisan asa sa rota sa bus sulod sa dakbayan.
Giawhag usab sa kagamhanang lokal ang publiko nga mosunod sa gitakdang sakayan aron mapadayon ang organisado ug hapsay nga sistema sa transportasyon sa siyudad. (IKEN B. GULLEM)
Source: City Government of Dapitan