Duyog sa pagsaulog sa nahimong kontribusyon sa kababayen-an, opisyal nga gisugdan sa Zamboanga del Norte Police Provincial Office ang makabuluhanong National Women’s Month Kick-Off Ceremony 2026 nga gipahigayon sa Camp Hamac, Sicayab, Dipolog City, kaniadtong Marso 10, ning kasamtangang tuig.
Tumong niini sa paghatag bili, pagpasidungog sa dako nga papel ug kontribusyon sa kababayen-an particular ang uniformed personnel, ilabina mapanalipdan ug mapalig-on ang ilang katungod sa katilingban. Giselebrar usab kini aron dasigon ang kababayen-an ug kabatan-onang babaye nga mahimong mas aktibo sa komunidad, samtang gipalapdan ang kahibalo sa ilang mga katungod ug sa mga balaod nga nagpanalipod kanila batok sa diskriminasyon.
Gisalmotan ang maong kalihokan ni Dapitan City Mayor Hon. Evelyn Belen T. Uy isip Guest of Honor and Speaker, Deputy Provincial Directors for Operations, ZNPPO PLTCOL Ricardo C Banes, Jr. nga mirepresentar kang Police Provincial Director PCOL Reydante Ariza.
Gitambongan usab kini sa nagkadaiyang kapulisan ug organisasyon sama Dapitan ug Dipolog City Police Station, PCADU, Polanco MPS, 1st ZNPMFC, Roxas, Piñan, ug katipunan MPS. Lakip ang kababayen-an sa Philippine Army, Bureau of Fire Protection, Maritime Group, PCG, ug BJMP.
Matud pa kang Mayor Evelyn Uy, gipadayag niini nga ang kalidad sa usa ka babaylan kaniadto makita karon sa women in uniform nga personahe sa ZNPPO.
“You are the healers when you manage cases of domestic violence or handle sensitive intervention for women and children. You are the protectors just as the Babaylans stood as pillars of strength.”
Gibutyag usab sa alkalde nga subay sa pagsaulog karong bulana, nanghinaut kini nga mo commit ang Zamboanga del Norte diin ang kababayen-an luwas, tanang personahe gina-value, ug tanang citizen included.
Pinaagi sa maong selebrasyon nga adunay temang “We for Gender Equality and Inclusive Society” gipamatud-an niini ang bililhon nga kontribusyon sa mga kababayen-an, nga nagpakita sa inklusibo nga komunidad.
News and photo by: IKEN B. GULLEM