Mipahigayon og Courtesy Call sa Mayor sa Dakbayan sa Dapitan ang Acting Regional Manager sa Philippine Coconut Authority (PCA) pinaagi ni Mr. Bihildis A. Quezon, dinuyogan ni PCDM Ariel Z. Tomong, ug ni Agri II Engr. January Lee Balagot, maingon man ang mga Representante gikan sa PhilMech, sa pagpanguna ni Dr. Andres M. Tuates, kauban si Engr. Jenifer R. Magallanes, lakip usab nga miduyog sa nasangpit nga Courtesy Call ang City Agriculturist sa Dapitan, nga si Mr. Cyril Patangan, Hulyo 16, 2025.
Tumong sa pagbisita sa mga kadagkoan sa Philippine Coconut Authority ning Rehiyon 9, maingon man ning maong probinsiya, ngadto sa buhatan sa Mayor, aron ilang ipadangat ang makahinam nga Plano, alang sa kalambuan sa Dakbayan sa Dapitan, pinaagi sa Pagbarog og Construction para sa Coconut Oil Processing Plant sa mao nilang Dakbayan.
Matud pa, nga mao na kini ang dakong lakang alang sa Kalambuan, sa mga Mag-uuma og Lubi, pinaagi sa Coconut Farmers and Industry Development Plan (CFIDP), diin ang nasangpit nga Coconut Processing Center, didto planong ipahimutang sa Sitio Leop, sakop sa Barangay Barcelona sa Dakbayan sa Dapitan, ning Probinsiya sa Zamboanga Del Norte, pinaagi sa kolaborasyon sa (DA-PhilMech ug PCA).Julius Esmade
Source: CITY GOVERNMENT OF DAPITAN