Himas rehas sa prisohan ang usa ka lalaking 52 anyos nga mag-uuma, nga Wanted sa kasong Slight Physical Injuries, nga konektado saRrepublic Act 7610, pinaagi sa gipahigayon nga Joint Law Enforcement Operation sa pagpanguna sa mga personahe sa Baliguian Municipal Police Station (MPS), didto sa Barangay Milidan, lungsod sa Baliguian, ning Probinsiya sa Zamboanga del Norte, niadtong nakalabay’ng adlaw, Hulyo 14 2025 sa may ala 1:30 sa hapon.
Giila sa Baliguian Pnp ang Suspetsado sa alyas nga Abing, 52 anyos, minyo ug lumolupyo sa nasangpit nga Lugar, diin ang nahisgutang Suspetsado, gisikop pinasikad sa Warrant of Arrest sa Krimen nga Slight Physical Injuries in relation to Section 10(A) sa Republic Act 7610 (Special Protection of Children Against Abuse, Exploitation and Discrimination Act), ubos Criminal Case No. 2025-06 26 (2984), nga giisyu ni Ela Michelle Sta. Maria Cubero, Presiding Judge sa 4th MCTC, 9th Judicial Region, Siocon, Zamboanga del Norte, penitsahan niadto pang Enero 8, 2002.
Hinuon, gitogutan sa Korte nga makaangkon og Temporaryong kagawasan ang dinakpan kon iyang matunol ang Kantidad nga Php80,000.00 isip pyansa sa nabuhat niyang Krimen, sa pagka karon ang Suspetsado atua na ubos sa Kustodiya sa Baliguian Municipal Police Station (BMPS) alang na sa tukmang disposasyon.(Julius Esmade)